Shirweynihii 6-aad ee Badweynta Hindiya ayaa lagu soo gebagebeeyey magaalada Dhaka ee Caasimadda dalka Bangladesh, iyadoo ay khudbado ay shirka ka jeediyeen dalalkii iyo diblomaasiyiinta ka soo qeybgalay shirka oo ay ka mid-tahay dowladda Soomaaliya, kaasi oo uu shirkaaas ku matalayey Danjiraha Soomaaliya u jooga dalka Hindiya Mudane Axmed Cali Daahir.
Shirka Badweynta Hindiya ayaa ah shir sannadle oo inta badan lagu gorfeeyo xaaladaha kale-duwan ee wadamada ku teedsan Badweynta Hindiya.
Madasha xigta ee kulanka ayaa lagu balamay in lagu qabto dalka Australia.
