Deg-Deg:Ciidanka Xoogga Dalka oo howlgal qorshaysan ku dilay 60 ka tirsan Khawaarijta ka dib howlgal qorsheysan oo saaka ciidanku ka fuliyay Deegaanka Cali -qaboobe oo qiyaastii 30 KM dhanka Koonfureed ka xiga Degmada Xarardheere ee Gobolka Mudug.
Guddoomiyaha Degmada Xarardheere Maxamed Yuusuf kulmiye ayaa Warbaahinta Qaranka u xaqiijiyay in Ciidamada oo ka war helay Gaari Khawaarijta u siday Hub iyo maleshiyaad hubeysan ay fuliyeen howlgalkaan.
Guddoomiyaha ayaa sheegay in howlgalka lagu dilay 60 ka tirsan khawaarijta isla markaana gacanta lagu dhigay Hubkii ay wateen iyo labo gaari.
