Raโiisul Wasaaraha Japan Fumio Kishida, ayaa maanta oo Talaado ah booqasho ku tagi doona magaalada Kiev ee Caasimadda Ukraine, inta uu Fumio Kishida ku guda jiro booqashadiisa ayaa la sheegayaa inuu kulan la qaadan doono Madaxweynaha Ukraine Volodymyr Zelensky.
Wasaaradda arrimaha dibadda Japan ayaa sheegtay in Raโiisul Wasaare Kishida, uu halkaasi u tagaya si uu u muujiyo taageerada joogtada ah ee Japan ay la garab taagantahay Ukraine.
Kishida, ayaa ahaa Hoggaamiyaha kaliya ee ka mid ah hoggaamiyayaasha G7 ee aan booqan Ukraine tan iyo markii uu qarxay dagaalka kala dhaxeeya Ruushka bishii Febraayo 2022.
Booqashada Kishida ee Kiev ayaa ku soo beegmeysa xilli madaxweynaha Shiinaha Xi Jinping uu booqasho ku tagay Moscow, halkaasoo uu kula kulmaya dhiggiisa Ruushka Vladimir Putin.
Fumio Kishida, ayaa noqonayaa Raโiisul wasaarihii ugu horreeyay ee Japan oo booqda goob dagaal tan iyo dhamaadkii dagaalkii labaad ee adduunka.
