Mareykanka oo Sheegay in dambiyo dagaal ay ka dhaceen Itoobiya

Date:

March 21, 2023

Xoghayaha arrimaha dibedda Maraykanka Antony Blinken, ayaa sheegay in milateriga Itoobiya, Ciidamada Eriteria, kuwa xoraynta Tigray ee TPLF iyo xoogagga amxaaradu ay galeen dembiyo dagaal, intii lagu guda jiray iska-hor imaadadii ka dhacay woqooyiga dalka Itoobiya.

Xoghayaha ayaa sidoo kale u sheegay Warbaahinta in xubno ka mida ciidanka milateriga Itoobiya, ciidamada Eriteria iyo xoogagga Amxaaradu ay geysteen dembiyo ka dhan ah bini’aadannimada sida dilal, kufsi, iyo xadgudubyo kale.

Blinken ayaa sheegay in xoogagga Amxaaradu ay ku kaceen dembiyo ka dhan ah bini’aadantinimada oo ay ka mid yihiin, masaafurin iyo isir sifayn ka dhan qowmiyadda Tigrayga ee ku noolayd galbeedka Tigray.

Dowladda Fedaraalka Itoobiya iyo Jabhadda xoraynta Tigray ee TPLF, ayaa kala saxiixday heshiis nabadeed bishii November ee sanadkii tagay, taasoo soo afjartay colaad ay ku dhinteen tobanaan kun oo qof, boqolaal kun oo kalena ay soo waajaheen gaajo iyo barakaca.

Maalinta Keymaha Adduunka oo laga xusay Muqdisho

Amiirka Riyaad iyo Duqa Muqdisho ayaa ka wada hadlay xoojinta xiriirka iskaashiga