Pyongyang oo markale tijaabisay Gantaallo halis ah

Date:

Millatariga Kuuriyada Koonfureed ayaa sheegay in Kuuriyada Waqooyi maanta oo Talaada ah ay laba Gantaal oo kuwa riddada gaaban ah ku tijaabisay xeebteeda bari ee dalkaasi.

Kuuriyada Koonfureed ayaa intaasi ku dartay, in Gantaaladan ay yahiin kii ugu dambeeyay ee ay tijaabiso Kuuriyada Waqooyi, xilli Kuuriyada Koonfureed iyo Maraykanku ay sameeynayeen dhoolatus milatari oo muddo sannad ah qaatay.

Taliyaha guud ee Ciidamada Kuuriyada Koonfureed ayaa sheegay in labadan Gantaal la soo riday abaarro 7:40 subaxnimo ee xilliga maxalliga ah, isaga oo intaasi ku daray in Gantaalladan laga soo riday gobolka South Hwanghae, ee u dhow xeebaha galbeed ee Kuuriyada Waqooyi.

Wakaaladda wararka Reuters, oo soo xiganeysa Millatariga Kuuriyada Koonfureed ayaa sheegtay in ciidamada Kuuriyada Koonfureed ay ku jiraan heegankii ugu sareeyay, iyagoo kaashanaya khubarada Maraykanka.

Tijaabada Gantaaladan ayaa ah tii labaad ee ay sameyso Pyongyang muddo saddex maalmood gudahood ah, taasi oo ay kaga jawaabeysa dhoolatuska militari ee ay si wadajir ah u sameeyeen Mareykanka iyo Kuuriyada Koonfureed.

Washinton iyo Seoul, ayaa muddooyinkii danbe sare u qaaday iskaashiga dhanka difaaca ee ka dhanka ah hanjabaadaha ka imaanaya Kuuriyada Waqooyi, taasoo sii kordheysay tijaabooyinka hubka halista ah ee Xukuumadda Pyongyang.

Share post:

Ugu Akhris badan

Kuwo kale
Kuwo kale

Tacsi: Geeridii Fanaanadda Qaranka Khadiija Qalanjo

TACSI: Wasiirka Wasaaradda Warfaafinta, Dhaqanka iyo Dalxiiska Soomaaliya, Mudane...

Ra’iisul Wasaare Xamsa oo ka qayb-galay Kulanka Isku-xirka Ganacsiga Soomaaliya iyo Shiinaha

Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi...

Madaxweynaha JFS oo kulan la qaatay Wasiirka Arrimaha Dibadda Jabuuti 

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa...

Hay’adda Socdaalka Soomaaliya oo bilaabi doontaa adeegga E-VISA laga bilaabo 1-da Sebteembar 2025

Hay’adda Socdaalka iyo Jinsiyadda Soomaaliya ayaa si rasmi ah...