Guddiga Amniga iyo Difaaca Golaha Aqalka Sare ee BFS oo gudanaya waajibaadka ku xusan Qodobka 77aad ee Dastuurka KMG ah ayaa ugu yeeray Xarunta Golaha Aqalka Sare wasaaradda Amniga Gudaha XFS iyo Hayâadda Socdaalka iyo Jinsiyadda Soomaaliyeed,si ay u waydiyaan suâaalo la xariira Hindise-sharciyeedka Hayâadda Socdaalka iyo Jinsiyadda Soomaaliyeed.
Guddoomiyaha Guddiga Amniga iyo Difaaca Aqalka Sare sen Aaden Cabdinaasir Maxamed iyo xubnaha Guddiga ayaa soo dhoweeyay Masuuliyintan oo uu hoggaaminayay Wasiiru-dowlaha Wasaaradda Amniga Gudaha XFS Maxamed Cali Xagaa.
Guddiga Amniga ayaa wax ka waydiiyay Hindise-sharciyeedka Hayâadda Socdaalka iyo Jinsiyadda Soomaaliyeed oo hadda horyaalla Guddiga Amniga iyo Difaaca Golaha Aqalka Sare,Wasaaradda iyo Hayâadda ayaa ka jawaabay dhammaan weydiimihii uu Guddigu hordhigay.
Kulanka gebagabadiisa waxaa lagu ballamay wada shaqeyn dheeraad ah oo dhex marta labada dhinac.
