KHAMIIS 23-02-2023: Ku dhawaad 30 maleeshiyaad ka tirsan kooxda khawaarijta ah ayaa maanta lagu dilay howlgal ay ciidamada xoogga, kuwa Daraawiishta Galmudug iyo xaq u dirirka deegaanka ka sameeyeen deegaanka Faarax Aadan, kaas oo ku fiday deegaanka Wadaariq oo ay argagaxisadu ku laheyd saldhig weyn.
Dagaal culus oo saacado badan socday ka dib ciidamada ayaa halkaas ku jabiyay kooxda khawaarijta ah, waxeyna ka sareen godadkii ay ku dhuumaleysanayeen.
Khawaarijta Joogta Galmudug, gaar ahaan gobolka Mudug ayaa ku jira maalmahoodii ugu adkaa, kuwaas oo wajahaya cunaqabateyn iyo dagaallo toos ah, waxaana hubkoodii ka furanaya shacabkii ay muddada fog dhibaatada ku hayeen.
Dowladd Goboleedka Galmudug waxa ay u mahadcelineysaa saaxiibbada caalamiga ah oo gacan weyn ka geystay jabinta khawaarijta.
