Ergayga gaarka ah ee Madaxweynaha Jamhuuriyadda u qaabilsan arrimaha Bani aadanimada Xildhibaan Cabdiraxmaan Cabdi Shakuur Warsame ayaa Magaalada Riyad ee dalka sacuudiga uga qeyb galay Madasha Caalamiga ah ee Gargaarka Bani’aadannimada ee Riyad.
Madashan oo ay dawladda Sacuudiga qabanqaabisay ayuu Khudbad ka jeediyay Ergaygu isagoo ka hadlay muhiimadda ay leedahay in wax laga beddelo hanaanka gargaarka bani’aadaannimo ee Soomaaliya.
“Waxaan ka hadlay muhiimadda ay leedahay In laga gudbo gurmadka degdegga ah ee loo jihaysto mashaariicda wax ku oolka ah ee dhisaysa adkaysiga bulshada, soo kabashada iyo horumarka si looga gudbo ku tiirsanaanta gargaarka bani’aadanimo” ayuu yiri Mr Warsame.
Isaoo sii hadlaya ayuu yiri Ergaygu” In Soomaaliya loo maalgeliyo sidii ay khayraadka dalkeeda kaga faa’iidaysan lahayd, ugana guulaysan lahayd argagexisada iyo is-beddel ka cimilada ayaan sidoo kale kaga hadlay Khudbaddeyda”.
