Wasiirka Arrimaha Gudaha, Federaalka iyo Dib-u-heshiisiinta XFS Md. Ahmed Moallim Fiqi ayaa kormeer shaqo ku tagay Xarunta Hay’adda Maaraynta Musiibooyinka Soomaaliyeed( SODMA) oo ka mid ah Hay’adaha Hoostaga Wasaaradda Arrimaha Gudaha, Federaalka iyo Dib-u-heshiisiint XFS.
Wasiirka ayaa la siiyay warbixin ku aaddan howlaha ay qabaty Hay’adda Maaraynta Musiibooyinka, kuwa socda iyo qorshayaasha Mustaqbalka Dhaw iyo kuwa fog.
Wasiir Ahmed Moallim Fiqi ayaa mid mid u kormeeray Xafiisyada Xarunta Cusub ee Hay’adda Maaraynta Musiibooyinka Soomaaliyeed oo dhawaan la dhisay.
Wasiir Fiqi oo la hadlay Hoggaaanka iyo Howlwadeennada Hay’adda Maaraynta Musiibooyinka ayaa bogaadiyay shaqada Wanaagsan oo ay qabatay Hay’adda, iyadoo ay jiraan duruufo adag, wuxuuna tilmaamay Wasiirka in loo baahanyahay Soomaaliya in ay noqoto dal deeq bixiya ah oo caawin karo dalalka saaxibada la ah ay garab uga baahdaan, sidaasi darted in Hay’adda ay qaabayso Arrimahaas.
