Agaasimaha Telefishinka Qaranka Soomaaliyeed Sharma’arke Maxamed Warsame oo ku sugan dalka Finland ayaa kulan gaar ah la qaatay Masuuliyiin ka tirsan wasaaradda Arrimaha dibadda dowladda dalkaas,iyadoo kulankaas looga hadlay iskaashiga labada dowladood.
Agaasimaha ayaa Masuuliyiinta wasaaradda Arrimaha dibadda Finland warbixin ka siiyay guulaha dowladda Soomaaliya ka gaartay la dagaallanka Khawaarijta si gaar ah dhanka Warbaahinta.
Sidoo kale Agaasime Sharmake ayaa kulan la qaatay masuuliyiinta Telefshinka qaranka wadanka Finland, waxa uuna uga waramay hormarka warbaahinta qaranka iyo dadaalka loogu jiro sidii bulshada Soomaaliyeed loogu shaqeyn lahaa.
Agaasimaha ayaa kormeer ku maray qeybaha uu ka kooban yahay Telefishinka qaranka Finland waxa uuna Yle uga mahad celiyay wadashaqeynta labada warbaahin ee SNTV iyo Yle.
