Kulan looga hadlayay xoojinta amniga iyo horumarinta Dagmada Hobyo oo Galkacyo lagu qabtay maanta
Kulankaan oo ay soo agaasimeen odayaasha dhaqanka oo uu hogaaminayay suldaan Cabdinaasir Jaamac Seed isla markaana ahaa mid lagu sagootinyay Gudoomiyaha Cusub ee dagmada Hobyo Cismaan Axmed Cabdille ayaa maanta ka qabsoomay magaalada Galkacyo
Kulanka oo intiisa badan ahaa mid looga hadlayay xoojinta wada shaqeynta bulshada iyo maamulka si looga gudbo caqabadaha hor taagan sare u qaadista horumarinta dagmada Hobyo ayaa waxaa ugu horeyn ka hadlay Suldaanka Guud ee Beesha Sacad Suldaan Cabdi Naasir Jaamac Seed oo isagu dar daaran ku aadan shaqada adag ee sugeysa maamulka cusub ee dagmada Hobyo kulanka kasoo jeediyay
Qaar ka mida waxgaradkii kulanka ka qeyb galay ayaa iyaguna sheegay in ay garab taagan yihiin
Gudoomiyaha Dagmada Hobyo Cismaan Axmed Cabdille ayaa ka mahad celiyay kulanka ay soo agaasimeen odayaasha dhaqanka isagoona xusay in Maamulkiisu uu noqon doono mid ku adeega la tashiyada waxgaradka iyo bulshada jecel horumarka iyo wanaaga
