Labo ka mid ah dhallinyarada ay qaldeen Khawaarijta Al-Shabaab ayaa maanta isku soo dhiibay ciidanka xoogga dalka ee ku sugan aagga degmada Xarardheere ee gobolka Mudug.
Labadaan wiil oo lagu kala magacaabo Cabdifitaax Cabdullaahi Sheekh iyo Cabdifitaax Aadan Abiikar ayaa ciidanka ay isku soo dhiibeen u sheegay inay Khawaarijta uga biireen gobollada Hiiraan iyo Shabeellada Dhexe.
Dhallinyaradaan ka soo hartay Khawaarijta waxay sheegeen inay u adkeysa waayeen howlgallada ay wadaan ciidanka xoogga dalka iyo kuwa deegaanka ee lagu baacsanayo argagixisada, iyagoo iska soo dhiibay aagga deegaanka Caad ee gobolka Mudug oo maalmihii lasoo dhaafay ay howlgallo culus ka fuliyeen ciidanka qaranka.
