Madaxweynaha Galmudug Axmed Cabdi Kaariye Qoor Qoor, Wasiirka Gaashaandhiga XFS Cabduqaadir Maxamed Nuur iyo masuuliyiin kale oo ka tirsan Galmudug, ayaa kormeer ku soo maray xaafadaha magaalada Xarardheere ee Gobolka Mudug oo dhawaan laga xoreeyey Khawaarijta. Masuuliyiinta ayaa u kuurgashay xaaladda nololeed ee bulshada reer Xarardheere oo dib ugu soo laabtay magaalada.
Sidoo kale masuuliyiintaan waxay kormeer ku tageen xarumaha danta guud ee magaalada, sida xarunta maamulka degmada, Isbitaalka magaalada iyo saldhiga Booliska iyo goobihii waxbarashada, dhamaan xarumahaan kama socdaan wax adeegyo bulsho ah, maadaama dhawaan laga xoreeyey Khawaarijta Al-Shabaab, waxaana hadda Xarardheere ka socda dadaallo dib loogu soo celinayo adeegyada bulshada iyo waxbarashada.
