Nin wacay booliska si uu uga cawdo buuqa firinjeerka gurigiisa yaalla ayaa ka mid noqday liiska wicitaanada yaabka dhaliyay ee ay daaha ka qaadeen Booliska Leicestershire ee dalka Ingiriiska.
Saraakiishu waxay daaha ka qaadeen tusaalayaal wicitaanada aan habboonayn ah kuwaas oo wacay namabrka loogu talagalay inay dadka isticmaalaan marka ay xaalad degdeg ah jirto.
Booliska ayaa sheegay in sanadkan ay heleen in ka badan 187,000 oo cabashooyin ah.
Cabashooyinka ayaa waxaa kale oo ka mid ahaa qof wacay boolis oo sheegay in gurigeeda uu dhibaato ku hayo duqsi xilliga xagaaga.
Supt Steve Durrant wuxuu yiri: “Qaar ka mid ah dadweynaha ayaa wacaya 999 iyaga oo aan ogeyn inay wacayaan adeega degdega ee booliska.
