Sideed Boqol Qoys oo isugu jira qoysas abaaraha kusoo xoola beelay iyo kuwa ay soo dhibaateeyeen kooxda khawaarijta Al-Shabaab iyo Naafada magaalada Galkacyo ayaa maanta la gaarsiiyay deeq raashin Gar-gaar ah oo ka timid Hay’adda Boqor Salmaan taas oo qeyb ka ah deeqo la qorsheynayo in la gaarsiiyo ilaa afar kun oo qoys oo ku nool deegaanada Galmudug .
Qeybinta deeqda oo ay iska kaashanayaan Wasaarada Garr-gaarka Galmudug iyo hay’adda Tadaamun ayaa ugu horeyn ka warbixiyay masuuliyiintii ka socatay Hey’adda Tadaamun .
Qaar ka mida xubnihii ka socday qoysaskii ka faa’ideystay oo la hadlay warbaahinta Qaranka ayaa iyaguna xusay in ay baahi weyn u qabeen.
Labo boqol oo qoys oo ku nool dagmada wisil oo ka mida deegaanada jabka iyo halaaga ay kala kulmeen nabadiidka al shabaab ayaa sidoo kale la gaarsiiyay deeqda ka timid Hay’adda Boqor salmaan.
