Inka Badan 500 oo Qoys oo kasoo Cararay Argagixisada Alshabaab ayaa Soo gaaray Dhuumasareeb. (SAWIRO).

Date:

Maamulka magaalada Dhuusamareeb ayaa maanta ku dhawaaqey in qoysas kor u dhaafaya 500 qoys oo ay soo barakiciyeen Argagaxisada Alshabaab ay soo gaareen magaalada Dhuusamareeb kuwaa oo deegaameestay kaam dawacooleey oo ku yaala duleedka Xaafada dayax ee magaalada Dhuusamareeb.

Dadkan oo ka soo barakacey boobka iyo af duubka kooxdu ku heyso dadka dagan deegaanada ay ka joogaan argagaxisada gobolka Galgaduud ayaan wadanin agab iyo hanti kale toona, waxaana qaarkood caruurtoodu iyo xoolihiiba kala harey Argagaxisada oo isku dayaysa in ay gabad ka sii dhigtaan Shacabka.

Nuur siyaad raage oo madax ka ah kaamka qoysaskani kusoo barakaceen iyo Axmed Saciid Maxamed oo ah gudoomiyaha xaafada dayax oo ka waramay duruufaha dadkani heysta ayaa Sheegay in Dadkaan Ay Naf iyo Maalba aay Dhibaato kasoo Gaartay Kooxaha Argagixisada ah islamarkaan Aay hadda Naftooda kala Soo Baxsadeen.

Cabdixakiin Cabdulaahi Gudoomiye kuxigeenka arrimaha bulshada Dhuusamareeb iyo Cabdisamad salaad Aadan gudoomiye kuxigeenka amniga iyo siyaasadda maamulka Dhuusamareeb ayaa dhankooda sheegay in ka maamul ahaan ay ku dadaalayaaa sidii wax uun looga qaban lahaa duruufaha ay wajahayaan qoysaskana, iyagoo baaq u diray hey’addaha samafalka iyo cid kasta oo wax kala qaban karta caawinta shacabkan.

Dagaalka Kacdoonka Shacabka ayaa Siweyn oga Bilowday Gobolada Mudug, Galgaduud Hiiraan Ilaa Baay iyo Bokool waxayna Tani Noqon Doonta Cirib tirka Kooxda Argagixisada Alshabaab.

 

Share post:

Ugu Akhris badan

Kuwo kale
Kuwo kale

Guddoomiyaha Golaha Shacabka oo booqasho ku tagay Xarunta Dhexe ee Guddiga Doorashooyinka Qaranka

Ku-simaha Madaxweynaha Jamhuuriyadda Federaalka Soomaaliya ahna Guddoomiyaha Golaha Shacabka,...

Wasaaradda Beeraha oo Magacaabay Guddiga xog-ururin ku soo sameeya Suuqyada Khudaarta soo dhoofiya.

Wasaaradda Beeraha iyo Waraabka ayaa magacaawday guddi shaqo oo...

Golaha Wasiirrada oo lagu ansixiyay Xeerka Qoondada Miisaaniyadda 2026. 

Golaha Wasiirrada Xukuumadda Jamhuuriyadda Federaalka Soomaaliya ayaa maanta yeeshay...

Xoghayaha Guud ee Golaha Shacabka oo booqday Safaaradda Soomaaliya ee Shiinaha.

Xoghayaha Guud ee Golaha Shacabka Baarlamaanka Jamhuuriyadda Federaalka Soomaaliya,...