Kooxaha argagaxisada ah ee Al shabaab ayaa Qarax la eegtay Goob gaadiidka dadweynaha ay ka baxaan isla markaana ay ku sugnaayeen dad shacab ah gudaha magaaladda Baraawe.
Inta la xaqiijiyay hal Askari ayaa ku dhintay halka 8 Ruux oo 7 kamid ah Shacab yihiin ay ku dhaawacmeen qarax Miino oo Barqanimadii Maanta ka dhacay degmada Baraawe ee Gobolka Shabeellaha Hoose.
Qaraxa ayaa goobjoogayaal sheegeen in uu ahaa miino la geliyay Maqaaxi Shaaha laga cabo oo kutaalla Busteejada laga raaco gaadiidka aada dhinaca degaanka Kuunya-barow, waxaana xilliga qaraxa uu dhacayay ay goobta aheyd mid mashquul badan.
Axmed Abuukar Sabriye Wariyaha warbaahinta Qaranka ayaa sheegay in qasaare kala duwan uu ka dhashay Qaraxaasi balse sida cadowga uu doonayay aysan noqon.
