Dawladaha Soomaaliya iyo Maraykanka oo ka Wada Hadlay Xoojinta Xiriika Diplomaasiyadeed ee Labada Dal

Date:

Khamiis 24 August, 2022:- Ku simaha safiirka safaaradda Jamhuuriyadda Federaalka Soomaaliya ee dalka Ethiopia ahna qunsulka safaaradda Ambassador Cali Maxamed Xuseen “Atam” ayaa xafiiskiisa Addis Ababa ku qaabilay safiirka dawladda Maraykanka ee Ethiopia Ambassador Jessica Lapenn.

Labada masuul ayaa is-fahan ka gaaray
arrimaha ay ka wada hadleen, waxaana Ambassador Atam uu u sheegay Ambassador Lapenn in Dawladda Soomaaliya ay muhiimad gaar ah siinayso xoojinta xiriirka kala dhexeeya dawladaha caalamka gaar ahaan dalalka jecel inay qayb ka noqdaan horumarka iyo kobcinta dawladnimada Soomaaliya oo ay kamid tahay Dawladda Maraykanku.

Ambassador Lapenn ayaa dhankeeda ka mahad celisay soo dhoweynta diirran ee hab-maamuuskeedu sarreeyo oo ay kala kulantay Diplomaasiyiinta Soomaaliyeed ee hormuudka u ah safaaradda JFS ee Ethiopia, iyadoo caddaysay in Dawladda Maraykanku ay dhankeeda diyaar u tahay kor u qaadista xiriirka labada dawladood.

Labada masuul waxaa kulankooda ku wehelinayey xoghayaha koowaad Cabdullaahi Cabdirsaaq iyo Uqaybsanaha ganacsiga Mustafe Mahdi ee safaaradda JFS ee Addis Ababa, sidoo kale waxaa kulanka ka qayb galay Uqaybsanaha Militariga safaaradda Maraykanka ee Addis Ababa Lieutenant Colonel Lee Gray.

Share post:

Ugu Akhris badan

Kuwo kale
Kuwo kale

Duqa Muqdisho oo xafiiskiisa ku qaabilay wiil 13jir ah oo la dhibaataysan DAB uu ku gudbtay

Guddoomiyaha Gobolka Banaadir Ahna Duqa Magaalada Muqdisho Mudane Maxamed...

Ra’iisul Wasaare kuxigeenka XFS oo ka qaybgalay Bandhigga Suuq-weynaha Muqdisho

Ra’iisul Wasaare Ku Xigeenka Xukuumadda Federaalka Soomaaliya, Mudane Saalax...

Dowladda Soomaaliya iyo Dowladda Azerbaijan oo kala saxiixday heshiis iskaashi oo Difaaca ah

Dowladda Federaalka Soomaaliya iyo Jamhuuriyadda Azerbaijan ayaa maanta kala...

Wasiir-dowlaha Gaashaandhigga oo marti-galiyay Kulan looga hadlaayo illaalinta Carruurta 

Wasaaradda Gaashaandhigga Xukuumaadda Federaalka Soomaaliya,ayaa marti-gelisay kulanka seddex biloodka...