Maareeye Cabdinaasir Maxamuud Gureey oo ay wehlinayeen Maareeye Ku Xigeenka Maamulka Guud & Amniga Garoonka Aadan Cabdulle iyo Taliyaha Saldhigga Airport-ka ayaa kulan kula qaatay Danjiraha Mareykanka ee Soomaaliya Larry Andre gudaha xafiiska Maamulka ee Airport-ka Caalamiga ah.
Kulanka oo muhiimad gaar ah u lahaa Maamulka Guud ee Garoonka ayaa intii uu socday waxaa looga hadlay horumarinta iyo adkeynta Amniga Garoonka iyadoo ay sidoo ka qeyb galeen Mas’uuliyiin ay ka mid yihiin Maareeyaha Maamulka Guud & Amniga Garoonka mudane C/naasir Max”uud Gureey iyo Ku Xigeenkiisa mudane Caydaruus Axmed Kaahiye iyo Taliyaha Saldhigga Booliiska Aadan Cadde Airport Gaashaanle Dhexe C/fataax Bashiir Cali.
Maareeyaha Naamulka Guud & Amniga Garoonka mudane C/naasir Max’uud Gureey ayaa yiri
” Larry Andre oo ah safiirka Mareykanka ee Soomaaliya ayaa nagu soo booqday dhowaan xafiiska Maamulka Guud ee Garoonka inagoo ka wada hadalnay sidii ay gacan nooga siin lahaayeen arrimo ay ka mid yihiin xagga kaamirooyinka casriga ah ee Amniga garoonka, aniga”,
Ayuu yiri Cabdinaasir Maxamuud Gureey oo intaasi ku daray
“Sidoo kale waxaa inoo suuro gashay inaan aniga iyo mas”uuliyiinta kale ee xafiiska Maamulka iyo Taliyaha Saldhigga Garoonka iyo Safiir Larry Andre aan wadajir u kormeerno qeybaha Kala duwan ee gudaha Garoonka xilli ay shaqadu, kulankana wuxuu noogu dhammaaday guul”
Ayuu hadalkiisa ku soo gunaanuday Cabdinaasir Max’uud Gureey.
Dowladda Mareykanka ayaa si buuxda u taageerta Dowladda Federaalka Soomaaliya iyadoo ka kaalmeysa dhinacyada mashaariicda horumarinta, Amniga iyo Gargaarka Beni’aadannimada
