MUQDISHO-JUUN-13-6-2022-:Guddoomiye ku xigeenka labaad ee baarlamaanka Galmudug ayaa kulan la qaadatay odayaasha waxgaradka iyo maamulka deegaanka Afbarwaaqo ee Gobalka Mudug.
Kulanka oo ahaa mid looga arinsanayay sidii loo ambaqaadi lahaa u gurmashada dadka ay abaaruhu saameeyeen ee ku nool deegaanada ku yaala dhanka waqooyi bari ee gobalka Mudug ayaa waxaa sidoo kale goob -joog ka ahaa wasiiro ka tirsan kuwa Galmudug gudoomiyaha Gobalka Mudug iyo xubno matalayay bulshada qeybahooda kala duwan.
Kulankaan oo saacado Badan qaatay ayaa looga arinsaday sidii maamul iyo bulshada loogu istaagi lahaa dadka ku jira xaaladaha adag ee dhanka nolasha.
Ugu danbeyn waxaa go’aan mideysan ayaa laga soo saaray taasoo ah in si wadajir ah loogu gurmado dhibanayaasha abaaraha iyadoo dhanka kalana loogu baaqay Hay’adaha iyo guddiga gurmadka abaaraha qaranka in loo soo gurmado shacabka soomaaliyeed ee ku dhibaateeysan deegaanada fog fog ee ku yaala dhanka waqooyi bari Gobalka mudug.
