MUQDISHO-JUUN-13-6-2022-:Tababar lagu baranayo wax soo saarka baraha bulshada oo ay si wadajir ah u soo agaasimeen waaxyaha tabarada iyo warbaahinta cusub ee wasaaradda ayaa maanta ka furmay xarunta wasaaradda warfaafinta, dhaqanka iyo dalxiiska ee XFS.
Tababarkaan ayaa soca doona muddo shan maalmood ah, waxaana ka faa’iideysanaya qaar ka mid ah shaqaalaha warbaahinta Qaranka iyo xubno ka socda warbaahinta gaarka loo leeyahay.
Wasiirka Warfaafinta Dhaqanka iyo Dalxiiska Soomaaliya Senator Cusmaan Abokor Dubbe oo tababarkaan furay ayaa tilmaamay in warbaahinta bulshada ee Social Media-ha ay hadda yeelatay muhiimadda koowaad ee xog gaarsiinta dadweynaha, iyadoo qofka la gaarsiinayo wax kasta goorta ay dhacayaan.
