Muqdisho-31-5-2022 – Ciidamada Booliska Soomaaliya Ayaa xalay howlgalo dad farabadan lagu soo qabqabtay Waxa ay ka sameeyen Xaafado katirsan degmooyinka Kaaraan iyo Yaaqshiid ee Gobolka Banaadir, kuwaas oo dadka kunool ay ka cabanayeen maalmihii aan soo dhaafnay Kooxo Burcad ah oo dhac u geysanayay bulshada halkaas ku nool.
Taliye kuxigeenka qeybta Guud ee Booliska Gobolka Banaadir Cali Dhuux Cabdi Mahad Alle oo Warbaahinta la hadlay ayaa sheegay in ujeedka howlgalka uu ahaa sidii looga hortegi lahaa Argagixisada Al-Shabaab oo mararka qaar falal Amni darro ka geysta degmooyinka Qeybta Bari, Ciyaal Weerarada iyo Kooxaha Burcadda ah ee dhaca u geysanaya Shacabka.
Wariyaha warbaahinta qaranka Yoonis Duraan Ali ayaa faah-faahinaya warkaan.
