Xafiiska Ergayga Gaarka ah ee madaxweynaha Soomaaliya u qaabilsan arrimaha bini’aadannimada iyo gurmadka abaaraha Mudane Xildhibaan Abdiraxmaan Abdi Shakuur ayaa soo saaray warbixinta guud ee waxyeellada abaaraha iyo tirada dadka la saadaaliyay inay saameyn ku yeelato Abaaraha dalka jira qeybo badan oo kamid ah.
Warbixinta ayaa lagu sheegay in abaartu ay saameysay 6.9 milyan oo qof, isla markaana ‘lagana cabsi qabo in bilaha soo socda ay gaarto 8 milyan oo u dhiganta 50% tirada guud ee dadka ku nool dalka.”66 degmo ayay warbixintu sheegtay in abaartu ay ‘ba’an’ u saameysay.
Shalay ayay aheyd markii Ergayga Gaarka ah ee madaxweynaha Cabdiraxmaan Cabdishakuur Warsame uu la kulmay guddiga gurmadka abaaraha iyaga oo u soo bandhigay xogaha la xariira abaaraha iyo saamaynta ay ku yeesheen guud ahaaan dalka.
