Magaalada Doollow ee gobolka Gedo Soomaaliya waxaa ka qabsoomay kulan looga hadlayay amniga labada dhinac ee Deegaanka Soomaalida iyo gobolka Gedo ee Soomaaliya.
Kulankan oo ahaa mid looga hadlay xoojinta amniga xudduudaha ay labada dal wadaagaan maadaama arrimaha nabadgalyadu ubaahan yihiin xidhiidh iyo iskaashi joogto ah, sidii loo sii adkayn lahaa xaaladda amni ee labada dhinac iyo xoojinta xidhiidhka labada dhinac ayaa waxaa dhanka Deegaanka Soomaalida ka socday wafdi ballaadhan oo ka koobnaa hoggaanka Nabadgalyada DDS, madaxa Arrimaha Xisbiga Barawaaqo ee Soomaalida, Guddoomiyaha gobolka Liibaan, maamulka degmada Doollo-addo, hay’adaha kala duwan ee amniga gobolka Liibaan, halka dhanka maamulka gobolka Gedona ay ka socdeen qaar ka mid ah maamulka gobolka Gedo, maamulka degmada Doollow Soomaaliya, Hay’adaha kale duwan ee amniga Soomaaliya.
Gabo’gabadii kulanka ayaa la isla qaatay in si wadajir ah looga qeyb-qaato sugidda amniga xudduuda labada wadan.
