In ka nadan 92-arday oo dhameystay maadooyin kala duwan oo la xiriira Farsamada Gacanta ayaa maanta munaasabad lagu guddoonsiiyay agabkii ay ku shaqeysan lahaayeen loogu qabtey Magaalada Dhuusamareeb waxaana madasha dhiiri-galintooda ka qayb galay Wasiiro katirsan maamulka Dhuusamareeb iyo waaridiinta ardayda oo dhamaantood bogaadiyey howshan ay iska kaashadeen UNICEF iyo Hey’adda maxaliga ah ee Elman.
Fartuun Cabdisalaan oo madax u ah mashruuca waxbarida iyo qalabeynta ardaydan ayaa ka warantey howshan oo ay muddoba soo wadeen ayna ka af-laxeen dufcado dhowr ah.
Qaar ka mid ah waaridiinta ardayda la barey xirfadaha kala duwan ayaa dhankooda bogaadiyey shaqo abuurka ay helayaan ubadkooda.
Guddoomiyaha Dhuusamareeb Macalin Cabdiraxmaan Geedaqoroow oo ku amaaney hey’addaha mashruucan iska kaashadey ka gun gaarida arrintan ayaa kula dardaarmay in ay sii wadaan howsha oo ay qaataan dufcado kale.
Ugu dambeyn Wasiir kuxigeenka Wasaaradda Shaqada iyo Arrimaha Bulshada Galmudug Maxamed Nuur Diini ayaa tilmaamay in sagootinta ardaydan xirfadaha la barey, isla markaana la guddoonsiiyay agabkii ay ku howlgali lahaayeen uu qayb ka yahay dadaalada dowladu ugu jirto shaqo abuurka dhallinyarada iyadoo kaah-shaneysa hey’addaha samafalka.
