Tartan cilmiyeedka bisha Ramadaan oo galay sanadkii 11-aad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulankiisaΒ 22aadΒ ee wareeggaΒ LabaadΒ kulankiisa ugu dambeeyay ku tartamay DegmooyinkaΒ BeladweyneΒ VsΒ Xamar JajabΒ oo ka kala tirsan Gobollada Hiiraan iyo Banaadir, waxaana barnaamijka sanadkan taabagelinaya BangigaΒ IBS.
Tartameyaasha labada degmo ee Β BeladweyneΒ VsΒ Xamar JajabΒ ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac inta uu tartanku socday.
Beladweyne
Tartameyaasha Degmada Beladweyne Gobolka Hiiraan waxaa la weydiiyey todobo Suβaal, todobadii suβaal ee la weydiiyay waxa ay ka jawaabeenΒ SaddexΒ suβaal, halka ay iska qaldeenΒ AafarΒ suβaal, waxa ay ka faaβiideysteen Labo suβaal oo soo hareermartay tartamayaasha Degmada Xamar Jajab, sidaa darteed wadarta guud ee dhibcaha tartameyaasha Degmada Beladweyne ay heleen waxay noqotayΒ Toban (10)Β dhibcood.
Xamar Jajab
Tartamayaasha Degmada Xamar Jajab ee Gobolka Banaadir waxaa dhankooda la weydiiyay todobo suβaal, waxa ay ka jawaabeenΒ LaboΒ suβaal, waxa ay iska qaldeenΒ ShanΒ suβaal, Ma jirin wax ka faaβiideysi ah oo ay heleen tartameyaasha Xamar Jajab, sidaasi darteed wadarta guud ee dhibcaha ay heleen tartameyaasha Degmada Xamar Jajab waxay noqotayΒ Afar (04)Β dhibcood.
Hadaba kulankiiΒ 22aadΒ ee tartan Cilmiyeedka bisha Ramadaan ee Warbaahinta Qaranka caawa waxaa wareeggaΒ 3aadΒ u soo gudbay tartamayaasha DegmadaΒ Beladweyne ee gobolka Hiiraan,Β ayadoo gebagebadii ay labada tartame isugu hambalyeeyeen guushaasi.
Habeen dambe oo ah habeenkaΒ 23aadΒ ee tartan Cilmiyeedka bisha Ramadaan ee Warbaahinta Qaranka, isla markaana ah kulanka ugu horeeya ee wareeggaΒ 3aadΒ waxaa ku tartami doona degmooyinkaΒ KaaraanΒ iyoΒ JilibΒ oo ka kala tirsan Gobollada Banaadir iyo Jubbada Dhexe.
