Waxaa maanta magaalada Addis Ababa ku kulmay Raโisulwasaaraha Itoobiya iyo ergada Midowga Afrika u xilsaartay sidii wada hadal loogu xalin lahaa colaadda ka jirta waqooyiga Itoobiya.
War qoraal ah oo ka soo baxay xafiiska Raโisulwasaaraha Itoobiya ayaa lagu sheegay in Abiy Ahmed xafiikiisa ku qaabilay ergada.
Abiy ayaa sheegay in uu uga abaal hayo Midowga Afrika iyo hogaankooda welwelka iyo dareenka ay u muujiyeen Itoobiya .
Intii wada hadalka uu socday ayaa Raโisulwasaaraha wuxuu wafdiga Midowga Afrika uga waramay sababta uu ku bilowday howlgalka sharci soo celinta ee gobalka Tigreega.
Abiy Ahmed wuxuu sheegay in dowladda ay dastuuriyan xaq u leedahay, ayna tahay masuuliyadeeda meel marinta sharciga.
