34 ruux ayaa lagu dilay weerar Rasaas Argagax leh oo ka dhacay galbeedka Itoobiya.

0
14

Dabley hubeysan ayaa dishay daraasiin dad ah ka dib weerar Argagax leh oo lala beegsaday bas ay saarnaayeen dad shacab ah galbeedka Itoobiya, sida laga soo xigtay hay’adda xuquuqda aadanaha ee dalkaasi.

Hay’adda Xuquuqda Aadanaha ee Itoobiya (EHRC) ayaa bayaan ay soo saartay maanta oo Axad ah ku sheegtay in “qiyaasta tirada dadka ku dhintay, oo hadda ah 34, ay u badan tahay inay ka kororto” weerarkii ka dhacay habeenimadii Sabtida aaga lays ku hor fadhiye  Benishangul-Gumuz.

(EHRC) Waxay intaasi ku dartay inay jiraan warbixino sheegaya weeraro la mid ah, iyo dad ka cararaya rabshadaha ka socda qaybaha kale ee gobolka, ay wajahayaan dhibaatooyin xaga nolosha ah waxaan sidoo kale jira dadka u qaxay inay gabaad raadsadaan ay kala kulmaan handadaa iyo dil ciidamada” Ma jiro wax war ah oo deg deg ah oo ku saabsan cidda falkaasi geysatay.

Weerarka ayaa yimid iyadoo uu sii kordhayo khilaafka u dhexeeya dowladda Itoobiya iyo gobolka Tigree ee woqooyiga dalka oo sida la sheegay dilay boqolaal dad ah oo rayid ah ay maalin kasta ka dhacaan, in ka badan 20,000 oo qof oo ayaa ka qaxaya xadka Waqooyiga Itoobiya kuwaasi oo badankooda gaaray Wadanka Suudaan.

Ma jiro wax xiriir ah oo la ogyahay oo ka dhexeeya rabshadaha ka socda Benishangul-Gumuz iyo howlaha militariga ee ka socda Tigray.

Weerarka lagu qaaday baskan siday dadka rakaabka ah ayaa ka ambabaxay deegaanka Wonbera waxuuna kusii jeeday Chagni, iyadoo falkan weerarka argagaxa leh uu ka dhacay qeyb ka mid ah meelihii ay ka dhacayeen weeraro badan oo lagu hoobtay oo lala beegsaday dad rayid ah.

Madaxa EHRC Daniel Bekele ayaa ku booriyay mas’uuliyiinta gobolka iyo federaalka inay si wadajir ah uga shaqeeyaan istiraatiijiyadda Benishangul-Gumuz sababo la xiriira “xawaaraha aan joogsiga lahayn” ee weerarada ka socda gobolka waxuuna intaasi raaciyay in “Weerarkan uu yahay ka fog bani’aadamnimada loona baahanyahay in labaaro si loo ogaado cida ka dambeysay” ayuu yiri