Madaxweynayaasha Puntland iyo Koonfur-galbeed oo kulmay.

0
6

Madaxweynaha Dowlad Goboleedka Koonfur Galbeed Mudane Cabdicasiis Xasan Maxamed (Lafta-gareen) oo howla shaqo ujooga magaalada Muqdisho ee Caasimada Dalka ayaa hoyga uu ka degganyahay muqdisho kusoo dhoweeyey Madaxweynaha Dowlad Goboleedka Puntland Mudane Siciid Cabdulaahi Dani oo Booqasho iyo Salaan ugu yimid.

Mas’uuliyiinta ayaa qaatay kulan ku saabsanaa isxog wareysi iyo kala warqaadasho arrimaha siyaasadda dalka doorka labada Dowlad goboleed ay ka qaadanayaan Geedi socodka Dowladnimada dalkeena, ka shaqeynta amniga, horumarinta dhaqaalaha, la dagaalanka argigixisada iyo horumarinta Bulshada.

Kulanka ayaa sido kale labada Madaxweyne Siciid Cabdulaahi Dani iyo Cabdicasiis Xasan Maxamed lafta gareen kaga hadlay Wanaajinta iyo iskaashiga labada Dowladood Puntland iyo Koonfur Galbeed iyo dadaalada lagu dardargelinta hannaanka dowladeed.

Madaxweyne Cabdicasiis Lafta gareen ayaa uga mahadceliyey Madaxweynaha Puntland siciid Cabdullaahi Dani booqashada uu’ ugu yimid kulanka ayaa sido kale waxaa qeyb ka ahaa Taliyaha Ciidanka Asluubta Somaliyeed Sareeye guud Mahad Abdiraxmaan Aadan Taliyaha Ciidanka Booliska Siihayaha Wasaaradda Cadaalada iyo Guddoomiyaha Golaha Wakiilada Dowlad Goboleedka Koonfur Galbeed Dr ali saciid fiqi.