Madaxweynaha Dowlad goboleedka Jubbaland Mudane Axmed Maxamed Islaam ayaa kulan la qaatay sarakiisha hey’adaha amniga, iyadoo uu Madaxweynahu faray inay keenaan baaritaannada dhacdooyinkii u danbeeyay ee dhinaca amniga ah oo ay ugu danbaysay qaraxii shalay Argagixisadu ay la beegsadeen Dad shacab ah iyo mas’uuliyiin kasoo baxay masaajidka Qadiim ee magaalada Kismaayo.
Madaxweynaha ayaa sidoo kale faray Ciidamada Nabad sugidda iyo Booliska inay dardar galiyaan howlgalada sugidda nabadgalyada muwaadiniinta, isagoo xusay in loo baahan yahay feejignaan dheeri ah.
Mudane Axmed Maxamed Islaam “Madoobe” ayaa dhanka kale Sarakiisha ciidanka Darawiishta ka dhagaystay natiijada howlgalka ka socda wadada xiriirisa degmooyinka Kismaayo iyo Af-madow, isagoo ammaanay sida ciidamada geesiyada ah ay u naafeeyeen argagixisada.
