Warbaahinta Bulshada oo saameyn ku yeelatay dhaqanka soo jireenka ahaa ee soomaalida [warbixin].

Date:

Dhaqanka Soomaaliyed waa mid soo jireen ah kaasi oo jiilba jiil uu ka dhaxlay sida Taariikhda lagu sheego, waana hab nololeed iyo nidaam dhaqan sida luuqadda, cuntada, farshaxanka, fanka iyo suugaanta.

Weli dadkii hore wey ku dheggan yihiin dhaqanka soo jireenka ah ee Soomaalida balse dhallintu waxey ubateen hiyi raac qabatimay dhaqan dadyow kale, waxaney la jaanqaadidda Dunida xadaaradda usaaxiibka ah ku hoggaamisay ku dayashada hab lebiska iyo timo jarashada dad caan ah sida Atoorayaasha Aflaamta, ciyaartoyda iyo dhaqamo kale oo la soo miinguuriyay

Hab dhaqanka dhallinyarada maanta ayey dadka waaweyni u arkaan mid god kusii rideysa dhaqamadii suubbanaa ee Soomaalidu caanka ku ahayd oo qaarkood ay ku harsanyihiin reer guuraaga oo ah marjaca Sooyaalka dhaqan ee Soomaalida.

Marka aad u kuurgasho warbaahinta maanta jirta oo dadka ka shaqeeya ay u badan yihiin da’yar ku cusub mihnadda wax badanna aan ka fahamsanayn dhaqanka soo jireenka ah ee Soomaalida ayaa waxay adeegsadaan ereyo aan ku habboonayn Afkeenna hodanka ah, diin ahaan, anshax ahaan iyo dhaqan ahaanba, iyadoo aysan jirin cid inta badan isu xil-qaanta hamba-qabashada meel ka dhaca lagu hayo dhaqanka.

Guddomiyaha Akdeemiyada fanka iyo suugaanta Soomaaliya, Cabdulqaadir Nuur Xuseen (Maax) ayaa dhankiisa qaba in dhallinta keliya aan lagu eedeyn karin ilaalinta dhaqanka balse ay waayeen cid ay kaga daydaan dhaqanka maaddaama sida uu sheegay waaliddiintii iyo dadkii ay dhaqanka dhallinta kaga dayan layahayeen ama hormuudka bulshada u ah, kuwaas oo uu laftooda ku tilmaamay in ay yihiin kuwo bur burkii kadib dhashay oo dhaqanka aan waxbadan ka fahamsaneyn.

Share post:

Ugu Akhris badan

Kuwo kale
Kuwo kale

Tartamayaasha Degmada Caabudwaaq oo caawa u gudbay sideed dhamaadka tartanka

Tartan cilmiyeedka bisha Ramadaan oo galay sanadkii Afar iyo...

Tartamayaasha Degmada Laascaanood oo caawa u gudbay sideed dhamaadka tartanka “SAWIRRO”

Tartan cilmiyeedka bisha Ramadaan oo galay sanadkii Afar iyo...

Tartamayaasha Degmada Bardaale oo caawa u gudbay sideed dhamaadka tartanka “SAWIRRO”

Tartan cilmiyeedka bisha Ramadaan oo galay sanadkii Afar iyo...

Tartamayaasha Degmada Xamarweyne oo caawa u gudbay sideed dhamaadka tartanka “SAWIRRO”

Tartan cilmiyeedka bisha Ramadaan oo galay sanadkii Afar iyo...