Wararka ka imaanaya magaalada Baladweyne ee xarunta gobolka Hiiraan ayaa sheegaya in qarax uu ka dhacay afaafka hore ee garoonka kubadda Cagta magaaladaasi.
Sida ay ku soo waramayaan wariyeyaasha warbaahinta Qaranka ee gobolka Hiiraan, khasaaraha horudhaca ah ee qaraxaasi ka dhashey ayaa la sheegay in uu yahay geerida inta la ogyahay 3 qof ,iyadoo ay jiraan dad kale oo ku dhaawacmay.
Qaraxaan oo nuuciisu ahaa miinada dhulka lagu aaso ayaa lagaliyay bannaanka hore ee Garoonka ciyaaraha kubadda Cagta oo maalmahan ay ka socdeen tartamo sporti.
Saraakiil iyo ciidamada ammaanka ayaa goobtaasi tagay,waxaana durba billowday baaritaanno ku aadan ammaanka.
