Sii hayaha xilka Wasiirka Caddaaladda iyo Garsoorka Soomaaliya , Garyaqaan, Xasan Xuseen Xaaji ayaa sheegay in ay koofurta Magaalada Gaalkacyo ka hirgelin doonaan Xabsi weyn oo casri ah, ka dib safar shaqo oo uu shalay ku gaaray halkaasi.
Wasiirka caddaaladda maamul Goboleedka Galmudug ayaa sheegay in ay si weyn usoo dhoweynayaan qorshaha ay Dowladda Soomaaliya xabsiga uga dhiseyso koofurta Magaalada Gaalkacyo, kaasi oo uu sheegay inay baahi weyn u qabaan.
Sii hayaha xilka Wasiirka Caddaaladda Soomaaliya iyo wafdi uu hoggaaminayo ayaa inta ay ku sugan yihiin Magaalada Gaalkacyo waxay u kuur geli doonaan Xabsiyada Degmada iyo xaaladda maxaabiista ku jirta, iyagoo kulamo la qaadan doono madaxda Galmudug iyo qeybaha kala duwan ee Bulshada.
