Hal abuurkaan ganacsi cusub oo ay dhallinyarada magaalada ka horgeliyeen ayaa ah xaruun lagu iibiyo agabka isboortiga isla
markaana lagu buufiyo qoraalo, calaamadana loogu sameeyo dharka cayaartoyda, xayeysiinada iyo boorarka xafladaha loo isticmaalo intaa waxa u dheer kuwo laga soo dalbado Degmooyinka kale ee gobolka Bakool.
Xaruunta Isboortiga ee Bakool oo fikrkeedu leeyihiin dhallinyaro ka goโan in ay wax kabedelaan shaqo laโaanta dhallinyarada kacabanayaan, bulshadana ka haqab tiraan baahiyhooda ayaa hirgeliyey hal abuurkaan ganacsi oo xiligii hore bulshada ku adkeyd in si sahlan ku helaan, waxayna ka dalban jireen magaalooyinka kale ee dalka qarash iyo waqti badana uga bixijirey.
Cabdiraxmaan Yarow waxa uu ka mid yahay dhallinyarada hal abuurkaan ganacsi ka sameeyey magaalada Xudur waxaana uu sheegay in ganacsigooda ay gaarsiin doonaan gobollada kale ee dalka.
โDhallinyarada Soomaaliyeed meel walbo ay joogaan waxay kacabanayaan shaqo laโaan, qaarkood waxay fadhiyaan derbiyada oo baaga muundo ku yihiin, rajadooduna tahay in ay ka shaqeeyaan xafiisada dowlada ama hayโadaha waxay u baahan yihiin wacyigelin si xirfado shaqo abuur ah ula yimaadaanโayuu yiri Cabdiraxmaan.
Bahda isboortiga Degmada Xudur ayaa dhallinyarada xaruuntaan aas aastay ku amaanay sida ay ugu dhiiradeen xirfad ganacsi oo baahi weyn looqabay, ayna soo dhaweynayaan hal abuurka cusub oo ay dhllinyarada la yimaadeen.
