Kulanka ay yeesheen Guddiga Qaran Ee Ka Hortaga Cudurka Covid-19 oo ahaaย qaab muuqaaleedka Internet-ka ah ayaa waxaa diiradda lagu saaray qiimeyntaย guud ee lagu sameeyay saameynta uu dalka ku reebi karo safmarka Covid19, maadaama uu billowday hoos u dhaca heerka faafitaankiisa.
R/Wasaaraha Xukuumadda Federaalka ah ee Soomaaliya Xasan Cali Kheyre ayaa guddoomiyay shirka jogtada ah ee Guddiga Qaran ee xakameynta COVID-19, kaas oo looga hadlo arrimo dhowr ah.
Sidoo kale R/Wasaareย Kheyre ayaa Guddiga ka hortagga faray dardargelinta howlaha looga hortagayo faafitaanka dalka ee Cudurka Coronavirus iyo fatahaadaha ka jira meelo kamid ah dalka Soomaaliya.
Maalmihii la soo dhaafay waxaa la dareemayay inuu bilowday hoos u dhac ku imaanaya tirada dadka uu soo rito cudurka gaar ahaan gobolka Banaadir waxaana wali jira dadaalo lagu xakameynaya halista uu leeyahay covid-19 iyadoo guud ahaan dalka lasyka kaashanayo sidii dalka looga ciribtiri lahaa.
Guud ahaan tirada uu soo ritay cudurkaan Karoona ayaa gaartay 1,594 halka 204 ay ka bogsoodeen markii lala tacaalay.
