Taliyaha qeybta Booliiska Fadaraalka Gobalka Mudug,G/sare; Maxamed Nuur Cali Gadaar, ayaa faah-faahin ka bixiyay xaaladda amni iyo halka ay marayaan dedaallo ku aaddan xallinta xiisado colaadeed oo kasoo cusboonaaday Gobolka.
G/sare; Maxamed Nuur Cali oo la hadlay Warbaahinta Qaranka ayaa sheegay in ay meel wanaagsan marayaan dedaallo fara badan oo ay ku bixiyeen qaboojinta dagaalladii halkaasi ka dhacay iyo sidii looga kala Dab qaadi lahaa Beelaha ay xurguftu dhex martay.
Taliyaha ayaa Bulshada reer Mudug ugu baaqay in ay Booliska iyo laamaha ammaanka kala shaqeeyaan amniga iyo nabad gelyada Gobolka, isagoo usoo jeediyay in ay joojiyaan waxyaabaha xiisadda kicin kara.
Hadalka kasoo baxay Taliska qeybta Boliiska Gobalka Mudug ayaa imanaya xilli ay Maalmihii u danbeeyay dilal ku saleysan aanooyin Qabiil ka dhacayeen degaanno ka tirsan Gobolka Mudug inkastoo ay jiraan dedaallo lagu xakamaynayo waxyaabaha dhaliya Gacan ka hadalka.
