Wasiirka arrimaha Gudaha Maamul Goboleedka Hirshabelle, Maxamed Cali Caadle ayaa Magaalada Muqdisho kulan kula yeeshay Wakiilka Qaramada Midoobay ee Soomaaliya , James Swan.
Labada mas’uul ayaa kulankooda waxa ay uga hadleen dhismaha Golaha degaannka, isku dubaridka howlaha barakacayaasha, Fatahaadaha iyo qodobo kale.
Ambassador; James Swan, ayaa ballan qaaday in Hirshabelle ay ka taageeri doonaan wax kasta oo horumar ah, ayna ka Gacan siin doonaan sidii wax looga qaban lahaa musiibooyinka dabiiciga ah iyo maamul wanaagga.
Maamulka Hirshabelle ayaa waday Bilihii la soo dhaafay qorshe loogu dhisayo Golayaal degaan qaar ka mid ah Degmooyinka hoos taga maamulkaas.
