Xildhibaanada Cusub ee Galmudug ayaa billaabay diyaargarowga Doorashada Guddoonka Barlamaanka Galmudug ayadoo lagu wado in ay yeeshaan kulankoodii kowaad oo ay uga arrinsanayaan Doorashada Guddoonkooda.
Xildhibaannada Galmudug ayaa la dhaariyay shalay galinkii dambe ayagoo dhaarinta kadib yeeshay kulan ay ku dooranayeen Guddoomiye kumeel gaar ah oo ay u doorteen Ninka ugu da’da weyn xildhibaannada Galmudug.
Xildhibaannada Galmudug ayaa sidoo kale ka arrinsanaya shuruudaha iyo waxyaabaha looga baahanyahay Musharixiinta u taagan qabashada Guddoonka Barlamaanka Galmudug waxa ay iska soo dhax xuli doonaan Guddiga doorashada Gdudoonka Barlamaanka Galmudug.
Xildhibaannada Galmudug ayaa waxaa horyaalla shaqooyin adag iyo soo doorashada Guddoonka Baarlamaanka iyo waliba doorashada Madaxweynaha iyo Madaxweyne ku xigeenka Dowlad Goboleedka Galmudug..
