Shirkan oo muddo todobaad ah ka socdey magaalada Baydhabo ee xarunta gobalka Baay ayaa waxaa loo qabtey Mas’uuliyiinta maamulada gobalada iyo degmooyinka koonfur galbeed Soomaaliya, iyadoo ay soo qaban-qaabisey Wasaaradda arrimaha Gudaha iyo dib u heshiisiinta koofurglabeed.
Guddoomiyaha Gobalka Shabeelaha Hoose Ibraahim Aadan Cali Najax oo kamid ahaa masuuliyinta shirka ka qeybgaleysay ayaa warbaahinta Qaranka u Sheegey in shirkan u ahaa mid looga hadlayey horumarinta adeega Dowliga iyo baahinta adeegyada Dowladda, sidoo kale, wuxuu intaa ku darey in sigaar ah diirada loogu saarey sidii cadowga Al-Shabaab looga xoreyn lahaa gobolada Maamulka koofurgalbeed
Gudoomiye Ibraahin aadan Cali Najax ayaa sidoo kale waxa uu Sheegey in Shirkan aad muhiim ugu ahaa shacabka Koonfur Galbeed una horseedi doona amni, horumar iyo nabad kuwada noolaansho.
Deegaanada Koonfur galbeed ayaa inta badan laga saaray Ururka Al-Shabaab,waxayna shacabka ku naaloonayaan nabad iyo Barwaaqo iyagoo garbaha ay ka taagan yihiin Ciidanka Xoogga dalka Soomaaliyeed.
