Ciidamada xoogga dalka ayaa iska caabiyay weerar dhuumasho ah oo ay kusoo qaadeen kooxda argagaxisada ah ee Al shabaab deegaanka Ceel-saliini duuleedka degmada Awdheegle ee gobolka shabeellada hoose.
Malleeshiyada Al shabaab ayaa halkaasi kala kulmay halaag khasaaro dhimasho iyo dhaawacyo ah gaarsiiyay, saraakiisha ciidamada xoogga ee ku sugneyd saldhigaasi ayaa warbaahinta qaranka u xaqiijiyay in ciidamada xoogga dalka gaarsiiyeen khasaaro baaxad leh malleeshiyada argagaxisada ee Al shabaab.
Ciidamada xoogga dalka ayaa xogta weerarkaasi hayay isla markaana u diyaarsanaa isku dayga argagaxisada in ay ka hortaggaan ayaa dharbaaxo millatari ku ciqaabay argagaxisada.
Ciidamada xoogga dalka ayaa howlgallo lagu baacsanaayo aragagaxisada Al shabaab ka wada gobollada Shabeellada hoose, Shabeellada dhexe, Hiiraan iyo jubbooyinka.
