Taliyaha Booliska oo qalab ciidanka kala wareegay safiirka Masar ee Soomaaliya.

0
7

Qalabka oo iskugu jira dareeska ciidanka iyo agabyo kale ayaa waxa uu taliyaha
ciidanka booliska Soomaaliyeed ka guddoomay safiirka dalka Masar u fadhiya Soomaaliya
Ambasador Maxamed Ibraahim Nasri kadib kulan ay ku wada qaateen maanta
saldhigga boolisku ku leeyahay gagida diyaaradaha Aadan Cadde ee magaaladda Muqdisho
kaas oo labada masuul uga wada hadleen sidii dowlada Masar ay usii xoojin laheyd
taageerada ay siiso Ciidamada Booliska waxaana kulankaa goob joog ahaa saraakiil labada
dal kala matalaayey iyo masuuliyiin kale oo uu ka mid ahaa wasiir ku xigeenka
Amniga Qaranka.

Safiirka dalka Masar Ambasador Maxamed ibraahim Nasri ayaa faahfaahiyey qalabkaan
ciidan ee ay booliska Soomaaliyeed ku taageereen sidoo kalana waxaa
u sheegey in saraakiil ciidan oo dalka Masar u dhashey in ciidanka booliska ay uso
direen kuwaa oo tababarada ciidamada ka taageeri doona.

Taliyaha ciidanka booliska Soomaaliyeed Generaal Cabdi Xasan Maxamed Xijaar
ayaa uga mahadceliyey dowladda Masar iyo safiirka qalabka ciidan ee ay booliska
Soomaaliyeed ugu deeqeen iyo macaliminta tababarka ciidamada ka taageeraaya intaba.