Munaasabad tababar loogu soo xireyey Ciidamoย gaaraya laba boqol oo Askari oo qeyb ah Booliska gaarka ah ee Dawlad goboleedka Hirshabeelle ayaa maanta ka dhacday Magaaladda Jowhar, waxaana kasoo qeyb galayย Madaxweynaha Maamulka Mudaneย Maxamed Cabdi Waare iyo Taliyeyaasha Ciidamada Hirshabeelle, saraakiil ka socota Booliska Federaalka, Amisom Boliis, UN iyo masโuuliyiin kale.
Wasiirka Amniga dowlad goboleedka Hirshabeelleย Mudane C/qaadir Aadan Jeelle oo wareysi gaar ah siiyey Warbaahinta Qarankaย waxa u sheegey in Ciidanka maanta tababarka loo soo xeray ay yihiinย Dufcadii labaad ee Ciidanka gaarka ah ee Booliska Hirshabeelle.
Wasiirka ayaa waxa uu sheegey in Dawlad Goboleedka Hirshabeelle ay suurta gashay inuu yeeshaan Ciidamo si gaar ah u tababaran, kuwaasi oo qeyb ka qaadan doono howllgalada Iyo Xaqiijinta Amniga Deegaanada HIrshabeelle.
Wasiirka C/qaadir jeelle ayaa sheegey iney dufacadaan tii ka horeysey ay ka qeyb qaateen isku-furka wadada xiriirisa Muqdisho iyo jowhar, iyaddoo dufacadaan ay ugu tala galeeen xoreynta degmooyinka Argagixisada Alshabaab ay ku dhuumaaleysanyaan iyo siddii ayย u xaqiijin lahaayeen amnigooda.
Ugu Dambeyn Wasiir jeelle ayaa sheegey in dhawaan ay bilaaaban doonaan howllgalo looga xoreynayo Kooxda Alshabaab ee Baxsadka ah guud ahaan deeganada ay kaga dhuumaaleysanayaan dowlad goboleedka Hirshabeelle, isaggoo Qeybaha Shacabka ugu baaqey iney garab istagaan Ciidamadooda.
