Taliyaha Ciidanka Xoogga Dalka Soomaaliyeed Oo Hambalyeeyay Ciidanka Xoogga Dalka Oo Guullo Ka soo Hooyay Gobalka Sh/Hoose

Muqdisho (SNTV) Gen. Daahir Aadan Cilmi Indha-qarshe Taliyaha Ciidanka Xoogga Dalka Soomaaliyeed oo goor dhow la hadlay warbaahinta qaranka ayaa Hambalyo iyo bogaadin u diray Ciidamada geesiyaasha ah ee Xoogga dalka kuwaasi oo shalay duruus dagaal u dhigay maleeshiyaad ka tirsan kooxda argagixisada ah ee Al-shabaab ka dib weerar ay ku qaadeen saldhig ciidanku ku leeyihiin degmada Aw-dheegle ee Gobolka shabeelada hoose.

Taliye Indha-qarshe ayaa sheegay in ciidamada Xoogga dalka ee saldhigaasi joogay ay tiradoodu aad u yareyd halka maleeshiyaadka soo weeraray ay aad u tiro badnaayeen isla markaana ay la kulmeen jab iyo qasaare xoogan oo aysan filaneynin.

Ugu dambeyntii Taliyaha Ciidanka Xoogga Dalka ayaa sheegay in shacabka soomaaliyeedu aad ugu riyaqeen guusha ay soo hooyeen geesiyaasha qaranku.

Ciidamada xoogga dalka soomaaliyeed ayaa shalay guul taariikhiya ka soo hooyay dagaal culus oo ay shalay la galeen maleeshiyaad ka tirsan Argagixisada Al-shabaab.

LEAVE A REPLY

Please enter your comment!
Please enter your name here