Dekadda oo laga adkaaaday

Kooxada kubada cagta Elman ayaa guul ka gaartay dhigeeda Dekadda kulan ka tirsan horyaalka soomaaliya.

Kulanka ayaa ahaa kii 13-aad oo labada kooxod ay Ciyaaran waana wareega labaad ee Horyaalka Soomaaliya, Kooxda Dekadda ayaana la kulantay guuldaradii labaad ee Horyaalka Soomaaliya xili ciyareedkan kadib markii horey guuldaro ay kala kulantay kooxda Horseed wareegii hore ee Horyaalka.

Kulanka Elman iyo Dekadda ayaa waxaa uu ahaa mid xiiso badan waayo labada kooxod ayaa ka mid ah kooxaha u tartamaya hanashada Horyaalka Soomaaliya sanadkaan 2019.

Dekadda waxay haysaa Hogaanka kala Horeynta Horyaalka Soomaaliya halka kooxda Elman na ay ka sareysay sideed dhibcood balse Elman oo sadex dhibcood ka qaadatay Dekadda ayaa hada waxaa ay leedahay 27 dhibcood halka kooxda Dekadda wali ay joogto booskedii ahaa 32 dhibcood oo ay sadex dhibcood ay ka sareyso Kooxda Horseed ooo kulan uu u baaqi yahay.

Elman guuldaro kala kulantay kooxda Dekadda Lugtii hore ee Horyaalka Soomaaliya hase yeeshe kooxda Elman ayaa markaan ka adkaatay Dekadda lugta labaad oo galabta ka dhacday garoonka Banaadir kulan ku soo idlaaday 2-0 oo ay guusha ku raacday Kooxda Elman oo hada soo gashay kaalinta sadexaad ee kala Horeynta Horyaalka Soomaaliya.

Dekadda ayaa la kulantay guuldaradii labaad xili ciyareedkan waana markii ugu horeysay oo hal xili ciyareed ay la kulanto laba guuldaro tan iyo xili ciyareedkii 2016.

Laba xili ciyareed eek a danbeyay ayaa laga adkaaday min hal kulan ayadoo horyaalka Soomaaliya ay u dabaal degtay kooxda Dekadda oo markii ugu horeysay ku guuleysatay Horyaalka Soomaaliya 2017 labaatan sano kadib.

W/D Axmed Salaad Shiikhow

LEAVE A REPLY

Please enter your comment!
Please enter your name here