Muqdiisho (SNTV):-Raโiisul Wasaaraha Xukuumadda Federaalka Soomaaliya Xasan Cali Kheyre ayaa maanta si rasmi ah u furay Masjid cusub oo ay yeelanayso xarunta Haโyadda Sirdoonka iyo Nabad Sugida Qaranka Soomaaliya (NISA),iyadooย loogu magac daray taliyihii ugu horeeyey ee Haโyadda Sirdoonka iyo Nabad Sugida Qaranka Axmed Saleebaan Dafle.
Munaasabadda xarig jarka waxaa Raโiisul Wasaaraha ku wehelinayay Wasiiro ay ka mid yihiin Wasiirka Amniga, Wasiirka Boostada iyo Isgaarsiinta, Wasiirka Diinta iyo Awqaafta XFS iyo Masโuuliyiin kale.
Mudane Xasan Caliย Khayreย ayaa uga mahad celiyey Maamulka iyo shaqaalaha Hayโadda juhdiga iyo dadaalka dheeriga ah ee ay galiyeen dhismaha masjidkan oo ahmiyad weyn u leh shaqaalaha xarunta.
Dhismahan Masjidka oo socday muddo dhan afar bilood ayaa loo dhisay qaab casri ah isaga oo sidoo kale loo nashqadeeyey si aad u heer saraysa.
Raโiisul Wasaare Kheyre dhanka kale kormeeray qeybaha ay ka kooban tahay xarunta Hayโadda Sirdoonka iyo Nabad Sugida Qaranka Soomaaliya (NISA),isagoo sidoo kale indha indheeyey waaxyaha kale ee xarunta.
