Madaxweynaha JFS oo Warqadaha Aqoonsiga Danjirenimo ka guddoomiyey Safiirada cusub ee Dalalka Koonfurta Kuuriya iyo Serbia.

Date:

Muqdisho (SNTV)-Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa Warqadaha Aqoonsiga Danjiranimo ka guddoomay Safiirada Dalalka Koonfurta Kuuriya iyo Serbia ee lagu kala magacaabo Choi Yeonghan iyo Dragan Zupanjevac, kuwaasi oo maanta soo gaaray Magaalada Muqdisho.

Danjire Choi Yeonghan oo ka socday Dawladda Koofurta Kuuriya ayaa sheegay inuu ku faraxsan yahay Xiriirka wanaagsan ee ka dhaxeeya Soomaaliya iyo Koofurta Kuuriya, isaggoo sheegay in Dawladdiisa ay kaalin ku yeelan doonto Maalgashi iyo Taageero kasta oo wax u tareysa horumarinta Amniga iyo dhaqaallaha Soomaaliya.

Danjire Dragan Zupanjevac oo ka socday Dawladda Serbia ayaa isna sheegay in uu ku faraxsan yahay in mar kale Cilaaqaad wanaagsan uu dhex maro Somalia iyo Serbia, waxaana uu xusay in dhinacyo badan ay Soomaaliya ka taageeri doonaan oo ay kamid yihiin Waxbarashada, Dhaqaallaha iyo Amniga.

Danjireyaasha Wadamada Caalamka ay usoo dirayaan Soomaaliya ayaa sanadihii u dambeeyey ahaa kuwa aad usoo kordhayey, iyaddoo Dawladda Soomaaliyana ay qaadatay Siyaasad furfuran oo ku dhisan Saaxiibtinimmo iyo Dan-wadaag.

Share post:

Ugu Akhris badan

Kuwo kale
Kuwo kale

Golaha shacabka oo ansixiyey gudidda xuquuqal insaanka Qaranka

Xildhibaannada Golaha Shacabka Baarlamaanka JFS ayaa cod Aqlabiyad leh...

Guddiga Garsoorka ee aqalka sare oo yeeshay kulan gaar ah

Guddiga Garsoorka, Cadaaladda, Arrimaha Diinta, Awqaafta, Xaquuqul Insaanka, Haweenka...

Taliska Ciidanka Xoogga oo Digniin Adag Ka Soo Saaray Isticmaalka Calaamadaha iyo Astaamaha Ciidanka XDS

Taliska Ciidanka Xoogga Dalka Soomaaliyeed oo Digniin Adag Ka...

Warbixinta Toddobaadlaha ee DFS oo soo baxday 

1- Madaxweyne Xasan Sheekh Maxamuud ayaa furay Shirka Iskaashiga...