Taliska Ciidanka Booliska oo sheegay in 23 Askari loo xiray arrimo Musuq-maasuq la Xiriira.

Date:

Muqdisho (SNTV)- Taliye Ku-xiggeenka Ciidanka Booliska Soomaaliyeed Sarreeye guuto Zakia Xuseen Axmed oo maanta shir jaraa’id ku qabatay Xarunta Taliska Booliska ayaa Warbaahinta uga warbixisay Howlgalada ka socda magaaladda Muqdisho, kuwaasi oo lagu sugayo Ammaanka Caasimada.

Gen. Zakia ayaa sheegtay in Ciidanka Booliska Soomaaliyeed oo kaashanaya qeybaha kale duwan ee Hay’addaha Ammaanka ay wadaan Howlgallo Qorsheysan oo lagu baadi goobayo Argagixisada arxanka darran ee Alshabaab iyo Cid walbo oo Nabadda Khatar ku ah.

Shacabka Soomaaliyeed ayey ka codsatay inay u dulqaataan Howlgalada amniga lagu sugayo oo ay dhici karto inay keynaan Hakad ku yimaado Adeegyada Bulshada iyo Isu-socdka, iyaddoo Shacabka ugu baaqday inay garab istaagaan Ciidamada, islamarkaana ay ku gacan siiyaan sugida Amniga.

Taliye Ku-xiggeenka Ciidanka Booliska Soomaaliyeed Sarreeye guuto Zakia Xuseen Axmed oo soo hadal qaaday dhanka Musuq-maasuqa ee Ciidanka dhexdiisa ah ayaa sheegtay in Taliska Booliska oo dhageysanaya Cabasho uga timid Bulshada intii uu socday Howlgalka ay soo xireen Labaatan iyo Seddex Askari oo ka tirsan Ciidanka Booliska, kuwaasi oo lagu Eedeyey inay ku kaceen Falal Musuq-maasuq la xiriira.

Ugu dambeyn Gen. Zakia ayaa qeybaha kala duwan ee Bulshadda Soomaaliyeed waxay ugu baaqday inay u hoggaansamaan Sharciga, islamarkaana ay la shaqeeyaan Booliska, si looga hor-taggo dhagarta Cadowga Argagixisada Alshabaab ay u maleegayaan Shacabka.

Share post:

Ugu Akhris badan

Kuwo kale
Kuwo kale

Xildhibaannada labada Aqal ee Baarlamaanka 11-aad oo maanta bilaabay ka doodista cutubta 2-aad ee dastuurka KMG ah

Guddoomiyaha Golaha shacabka ee Baarlamaanka Jamhuuriyadda Federaalka Soomaaliya Mudane...

Madaxweynaha dowlad goboleedka Jubaland ayaa daahfuray shirweynaha sanadlaha ah ee guddiga sare ee Machadka tababarka Garsoorka dalka.

Madaxweynaha dowlad goboleedka Jubaland Axmed Maxamed Islaam ayaa maanta...

Soomaaliya oo ay ku soo qul-qulayaan dalxiisayaal AjaanIib ah

Iyadoo uu soo hagaagayo amniga guud ee dalka, waxaa...

Ra”iisul wasaare XFS oo shirguddoomiyey shir looga hadlayo dhibaatooyinka isbeddelka Cimilada

Ra’iisul Wasaaraha Xukuumadda Jamhuuuriyadda Federaalka Soomaaliya, Mudane Xamsa Cabdi...