Ku-simaha Madaxweynaha JFS oo kormeeray Xarunta Wasaaradda Gaashaandhigga Soomaaliya

Date:

Muqdisho (SNTV)-Ku-simaha Madaxweynaha Jamhuuriyadda Federaalka Soomaaliya ahna guddoomiye ku-xiggeenka labaad ee Golaha Shacabka Mudane Mahad Cabdalla Cawad ayaa maanta kormeer ku tagay Xarunta wasaaradda Gaashaandhigga ee Magaaladda Muqdisho,waxaana kusoo dhoweeyay Wasiirka wasaaradda Difaaca iyo Abaanduullaha Ciidanka Xooga Dalka Soomaaliyeed.

Ku-simaha Madaxweynaha Jamhuuriyadda ahna Guddoomiye ku-xigeenka labaad ee Golaha Shacabka ayaa kulan la qaatay saraakiisha Ciidanka Xooga Dalka, waxaana kulanka ka qeyb galay wasiirka gaashaandhigga iyo Abaanduulaha Ciidanka Xooga Dalka.

Abaanduulaha Ciidanka Xooga Dalka Sarreeye guuto Odawaa Yuusuf Raage ayaa sheegay in ciidanka Xoogga dalka ay diyaar u yihiin difaaca qaranka iyo gudashada waajibaadka Qaran ee loo igmaday.

Wasiirka Wasaaradda gaashaandhigga XFS ayaa sheegay in kan Wasaarad ahaan iyo Taliska ciidanka xoogga dalka ay wadaan diiwan gelinta Ciidanka xoogga dalka oo hadda meel gabogabo ah mareysa.

Ku-simaha Madaxweynaha Jamhuuriyadda ahna Guddoomiye ku-xigeenka labaad ee Golaha shacabka Mudane Mahad Cabdalla Cawad ayaa ku ammaanay Ciidanka Xoogga dalka howlaha ay dadka iyo dalka u hayaan, wuxuuna sheegay in madaxda qaranka ay ku dadaali doonaan siddii ciidanka xooga dalka ay xuquuqdooda u heli lahaayeen.

Share post:

Ugu Akhris badan

Kuwo kale
Kuwo kale

Xildhibaan Maxamed Islow: “Waa in ay noo kala soocnaato naceybka mas’uulka xilka haya iyo Qaranimada”

Wasiirkii hore amniga Gudaha Xildhibaan Maxamed Abuukar Islow Ducaale...

Shirka Qiimeynta mashariicda dalka ka socota oo Muqdisho ka furmay

Wasiirka Qorshaynta, Maalgashiga iyo horumarinta dhaqaalaha Xukuumadda Federaalka Soomaaliya...

Madaxda dunida oo cambaareeyay isku day dil oo lala beegsaday Donald Trump

Hoggaamiyayaasha dunida ayaa taageero u muujiyay madaxweynihii hore ee...

Xeer Ilaaliyaha Qaranka: “Waa in si deg deg ah warbixin looga keenaa wixii ka dhacay xabsiga dhexe”

-Xeer Ilaaliyaha Guud ee Qaranka Dr Suleymaan Maxamed Maxamuud...