Boosaaso (SNTV)ย Ciidamada amniga dowlad Goboleedka Puntland ee PSF ayaa howlgal ka dhan ah Al-shabaabย ka fuliyey deegaano ka tirsan Buuraha Cal Madow ee maamulkaasi.
Puntland ayaa sheegtay in howlgalkaasi ay uga hortageen weerar kaga yimid dhinca Al-shabaab ee ku sugan Buuraha Cal Madow, gaar ahaan Buuraleydaย Warbad iyo Gebidheer, isla markaana ay fashiliyeen weeraradaasi.
Sidoo kale dowlada Goboleedka Puntland ayaa sheegtay in weeraradaasi Al-shabaab ay la damacsanaayeen Xarumahaย Ciidamada Puntland ay ku sugan yihiin ee ku yaalla Buuraha Galgala.
Buuraha Galgala ee Gobolka Bari ayaa waxaa ku sugan dagaalamayaalย ka tirsan Al-shabaab,kuwaasi oo mararka qaarkood weeraro ku qaada Ciidamada Puntland ee ku sugan halkaasi.
