24 Al-Shabaab ah oo lagu dilay duqeyn ka dhacday Hiiraan

Date:

Muqdisho-(SNTV)-Ugu yaraan 24 xubnood oo ka tirsanaa Malleeshiyada Al-Shabaab ayaa lagu dilay duqeyn xagga Cirka ah oo uu howl-galka Ciidanka Maraykanka Afrika ka geystay Gobolka Hiiraan.

War qoraal ah oo Shalay kasoo baxay howl-galka AFRICOM ayaa lagu sheegay in duqeyntu ay ka dhacday saldhig ay argagixisada Al-Shabaab ku lahaayeen degaanka Shabeelleey oo qiyaastii 22 km Koofur Galbeed ka xigta Magaalada Baladweyne.

Ma jiraan wax dhimasho iyo dhaawac ah oo duqeynta kasoo gaaray Dadka Rayidka ah eek u nool goobaha la weeraray, sida lagu sheegay warka kasoo baxay Africom.

Agaasimaha howl-gallada Afrika ee Africom, Jeneraal; Gregg Olson, ayaa sheegay in ay wada shaqayn dhow leeyihiin Ciidanka Xoogga Dalka Soomaaliyeed iyo saaxiibbadooda Caalamka, si ay loo dhowro Shacabka.

Wuxuu sheegay agaasimuhu, in taxadarku uu yahay qeyb ka mid ah istaraatiijiyadda ay ku duulayaan, weerarrada ka dhanka ah xag-jiriintuna ay sii wadi doonaan, iyagoo kaashanaya saaxiibbadooda bahwadaagta la ah,si horumar looga gaaro dagaalka lagula jira argagixisada Caalamiga ah ee kasoo horjeedda nabadda Soomaaliya iyo tan Gobolka.

Isha/ The HILL

Share post:

Ugu Akhris badan

Kuwo kale
Kuwo kale

Warbixinta Toddobaadlaha ee Dowladda Federaalka Soomaaliya

1- Madaxweynaha Jamhuuriyadda Federaalka Soomaaliya, ahna Taliyaha Guud ee...

Wasiir Maareeye “Dal kasta oo aan ka helno badeeco waxaa lagu qasbi doonaa inay badeeco naga qaataan”

Wasiirka Wasaaradda Beeraha iyo Waraabka Xukuumaadda Federaalka Soomaaliya Mudane...

Golaha Amniga Qaranka oo soo saaray Awaamiir ku saabsan Xakameynta Hubka

Madaxweynaha Jamhuuriyadda Federaalka Soomaaliya, ahna Taliyaha Guud ee Ciidamada...

Wasiirka Amniga Gudaha oo kulan hordhac ah la qaatay Ugaas Maxamed iyo Dadka deegaanka

Wasiirka Amniga Gudaha Xukuumaadda Federaalka Soomaaliya Cabdullaahi Sheekh Ismaaciil...